निलम्बन फुकुवापछि मेस्सी पुन पीएसजीको प्रशिक्षणमा र्फकिए
सहयात्रा टिभी
काठमाडौँ । बैशाख २५, अर्जेन्टिनी फुटबलर लियोनल मेस्सी निलम्बन फुकुवापछि पुन पेरिस सेन्ट जर्मेन (पीएसजी) को प्रशिक्षणमा फर्केको जानकारी प्राप्त भएको छ ।
क्लबसँग अनुमति नलिई साउदी अरेबियाको भ्रमण गरेको भन्दै फ्रेन्च च्याम्पियन पीएसजीले मेस्सीलाई गत बुधबार दुई साताको लागि निलम्बन गरेको थियो ।
तर अर्जेन्टाइन कप्तान मेस्सीले भ्रमणको लागि क्लब र टिममेटसँग माफी मागेपछि उनको निलम्बन फुकुवा भएको डेली मेलले जनाएको छ । पीएसजीले सोमबार बिहान मेस्सी प्रशिक्षणमा पर्केको भन्दै फोटो पोस्ट गरेको छ ।