देउवा अनुपस्थित गुप्ताको सभापतित्वमा कानुन समितिको बैठक सुरु
सहयात्रा टिभी
काठमाडौं । जेठ ४, कानुन न्याय तथा मानवअधिकार समितिको बैठकमा ज्येष्ठ सदस्य शेरबहादुर देउवा अनुपस्थित भएका छन् ।
समितिको आन्तरिक कार्यविधि र संक्रमणकालीन न्यायसम्बन्धी विधेयक अगाडि बढाउने विषयमा छलफल गर्न बोलाइएको बैठकमा बोलाइएको थियो ।
जेठ २ गते देउवाले नै ज्येष्ठ सदस्यको हैसियतमा समितिको सभापतित्व गरेका थिए । सोही समितिको बैठकले आजका लागि बैठक बोलाएको थियो । तर देउवा अनुपस्थित रहेपछि बिहान साढे ८ बजे बोलाइएको बैठक समयमै सुरु हुन सकेन ।
देउवा अनुपस्थित रहने भएपछि समितिमा रहेका देउवापछिका ज्येष्ठ सदस्य मंगलप्रसाद गुप्ताको सभापतित्वमा बैठक सुरु भएको छ । गुप्ता नेकपा एमालेका सांसद हुन् ।