इस्टर्न जोन कपमा नेपालले थाईल्यान्डलाई दियो २७० रनको लक्ष्य
सहयात्रा टिभी
काठमाडौँ । असर १३, एसीसी १६ वर्षमुनिको इस्टर्न जोन कपमा नेपालले थाईल्यान्डलाई २७० रनको लक्ष्य दिएको छ ।
मलेसियाको बांगीमा टस जितेर पहिला ब्याटिङ गरेको नेपालले निर्धारित ३५ ओभरमा ८ विकेट गुमाउँदै २६९ रन बनायो ।
नेपालका निरजकुमार यादवले ४३ बलमा ७४ रन बनाए । उनले २१ बलमै अर्धशतक बनाए । सुर्यांशु कोइराला ४० रनमा आउट भए ।
नरेन भट्ट ५५ रनमा अविजित रहे भने सन्तोष यादव ४२ रनमा आउट भए । विशाल लक्ष्य पछ्याएको थाईल्यान्डले भर्खरै ब्याटिङ थालेको छ ।
समूह ‘ए’ मा नेपाल, थाईल्यान्ड र मलेसिया छन् । समूह ‘बी’ मा सिंगापुर, हङकङ, माल्दिभ्स र इन्डोनेएसिया छन् ।
समूह ‘ए’ को खेलमा मलेसियाले थाईल्यान्डलाई १ १८ रनले पराजित गरेको थियो ।
थाईल्यान्ड पहिलो खेलमै पराजित भएको हुँदा नेपालले आज जितेमा सेमिफाइनलमा पुग्नेछ ।
नेपालले आफ्नो समूह चरणको अन्तिम खेलमा पर्सि शुक्रवार मलेसियासँग खेल्नेछ । सेमिफाइनल जुलाइ ३ तारिख र फाइनल ४ तारिखमा हुनेछ ।