सुनको मूल्यमा रेकर्ड ब्रेक, आज कतिमा हुँदैछ कारोबार?
सहयात्रा टिभी
काठमाडाै । जेठ १९, आज (शुक्रबार) पनि नेपाली बजारमा सुनको मूल्यमा वृद्धि भएको छ । बजेट पारित भएपछि सुनको मूल्यले प्रत्येक दिन नयाँ रेकर्ड कायम गरिरहेको छ ।
बिहिबार तोलामा १ लाख १२ हजार ५ सय रुपैयाँमा कारोबार भएको छापावाला सुन शुक्रबार ८ सय रुपैयाँले बृद्धि भई प्रतितोला १ लाख १३ हजार ३ सय रुपैयाँमा कारोबार भइरहेको नेपाल सुन चाँदी व्यवसायी महासंघले जनाएको हो ।
यसैगरी आज तेजावी सुन प्रतितोला १ लाख १२ हजार ७५० रुपैयाँमा कारोबार भइरहेको महासंघले जनाएको छ । साथै, आज चाँदी तोलामा एकैदिन २५ रुपैयाँले बृद्धि भई प्रतितोला १ हजार ४३५ रुपैयाँमा कारोबार भइरहेको महासंघले जनाएको छ ।