स्वीडेनलाई नेटोमा सहभागी हुने बाटो खुल्यो, टर्की सहमत

सहयात्रा टिभी

ब्रसेल्स । असार २६, स्वीडेनलाई उत्तर एट्लान्टिक सन्धि संगठन (नेटो) मा सामेल हुने बाटो खुलेको छ। टर्कीका राष्ट्रपति रेसेप तैयप एर्दोगानले नेटो सदस्यताको लागि स्विडेनको प्रस्तावलाई ग्रान्ड नेशनल एसेम्बलीमा समर्थन गर्न र अगाडि बढाउन सहमत भएपछि स्वीडेनलाई नेटोमा आवद्ध हुने बाटो खुलेको हो ।

स्वीडेनका प्रधानमन्त्री उल्फ क्रिस्टसनले टर्कीको राष्ट्रपतिले समर्थन गरेकोमा खुशी ब्यक्त गरे । टर्कीका राष्ट्रपतिको समर्थन बाहेक स्वीडेनलाई नेटोमा आवद्ध गराउन टर्कीको संसदले अनुमोदन गर्न बाँकी रहेको छ ।

नेटोमा आवद्ध ३१ सदश्य राष्ट्रहरुलाई स्वीडेनलाई नेटोमा आवद्ध गराउने कि नगराउने भन्ने बिषयमा भिटो प्रयोग गर्ने अधिकार रहेको छ ।

यसबीच अमेरिकी राष्ट्रपति जो बाइडेनले टर्कीको समर्थनलाई स्वागत गर्दै स्वीडेनलाई नेटोमा आवद्ध गर्ने प्रस्ताव छिटै अनुमोदन हुने विश्वास ब्यक्त गरे ।

ह्वाइट हाउसले जारी गरेको विज्ञप्तिमा स्वीडेनलाई नेटोको ३२ औँ सदस्यको रुपमा स्वागत गर्न बाइडेन तयार रहेको जनाएको छ ।

लिथुआनियाको राजधानी भिल्नियसमा जारी नेटो सम्मेलनका बीच टर्की र स्वीडेनका नेताहरुबीच भएको वार्ताका क्रममा टर्की र स्वीडेनबीच सम्झौता भएको हो ।

टर्कीले लामो समयदेखि नेटोमा सामेल हुन स्वीडेनको आवेदनको विरोध गर्दै आएको थियो । टर्कीले स्वीडेनले कुर्दिश कार्यकर्तालाई आतंकवादी ठानेको आरोप लगाएको थियो।

वार्तापछि जारी विज्ञप्तिमा टर्की र स्वीडेनले आतंकवाद विरोधी समन्वयमा मिलेर काम गर्ने र द्विपक्षीय व्यापारिक सम्बन्धलाई प्रवर्द्धन गर्ने उल्लेख छ ।