भारतमा हुने डुरान्ड कप फुटबलमा त्रिभुवन आर्मी क्लबको पनि सहभागीता
सहयात्रा टिभी
काठमाडौं । असार २६, विभागीय टोली त्रिभुवन आर्मी फुटबल क्लबले भारतमा हुने डुरान्ड कप फुटबल प्रतियोगितामा सहभागी हुने जनाएको छ ।
एसियाकै सबैभन्दा पुरानो फुटबल प्रतियोगिताको रुपमा रहेको डुरान्ड कपमा २७ वर्षपछि विदेशी क्लब सहभागी हुँदा नेपालबाट आर्मीले खेल्न लागेको हो । प्रतियोगितामा भुटान र बंगलादेशका एक-एक टिम पनि सहभागी रहने छन् ।
डुरान्ड फुटबल टुर्नामेन्ट सोसाइटी र भारतीय फुटबल महासंघ (एआईआईएफ) को आयोजनामा हुने प्रतियोगितामा इन्डियन सुपर लिग ९आईएस०, आई लिगका क्लबहरुसहित कूल २४ टिमले प्रतिस्पर्धा गर्नेछन् ।
आर्मी रहेको समूह आईएसएल क्लब हैदरावाद एफसी र चेन्नाइयीन एफसी तथा आई लिगको दिल्ली एफसी रहेको भारतीय अनलाइन खेलनाउ डट कमले जनाएको छ ।
प्रतियोगिता आगामी अगष्ट ३ देखि सेप्टेम्बर ३ सम्म कोलकतामा आयोजना हुनेछ । प्रतियोगिताको विजेताले ६३ हजार अमेरिकी डलर पुरस्कार पाउने छ ।