महिला विश्वकप फुटबलमा आज दुई खेल हुँदै
सहयात्रा टिभी
काठमाडौँ । साउन २२, फिफा महिला विश्वकप फुटबलमा आज पनि प्रि–क्वाटरफाइनलका दुई खेल हुँदैछन् ।
आज हुने पहिलो खेलमा इंग्ल्याण्ड र नाइजेरियाबीच प्रतिस्पर्धा हुनेछ । यी दुई टोलीबीचको खेल नेपाली समयअनुसार दिउँसो सवा १ बजे सुरु हुनेछ । इग्ल्याण्ड समूह ‘डी’ को विजेता बन्दै अन्तिम १६ मा पुगेको थियो भने नाइजेरिया समूह ‘बी’ को उपविजेता बनेको थियो ।
यस्तै, आजै हुने अर्को खेलमा अष्ट्रेलिया र डेनमार्क भिड्ने छन् । यो खेल नेपाली समयअनुसार अपराह्न सवा ४ बजे सुरु हुनेछ । अस्ट्रेलिया समूह ‘बी’ को विजेताको रुपमा प्रि–क्वाटरफाइनलमा पुगेको हो भने डेनमार्क समूह ‘डी’को उप विजेता हो । ३२ राष्ट्र सहभागि विश्वकप अस्ट २० सम्म चल्नेछ ।