नेप्सेमा एकल अंकको सामान्य गिरावट
सहयात्रा टिभी
काठमाडौँ । भदौ १३, सेयर बजारमा एकल अंकको सामान्य गिरावट भएको छ ।
साताको चौथो कारोबार दिन बुधबार बजार परिसूचक नेप्से २.८२ अंकले गिरावट हुँदा १९९०.५९ को विन्दुमा बन्द भएको छ ।
बुधबार नेप्सेमा १३ उपसूचक मध्ये व्यापार र होटल तथा पर्यटन उपसूचक बाहेक सबै उपसूचकमा गिरावट भएको छ ।
बुधबार लाभांश घोषणा गरेको माछापुच्छ्रे बैंकमा लगानीकर्ताको आकर्षण देखिएको छ ।
१४ प्रतिशत लाभांश प्रस्ताव गरेको बैंकको १० करोडको सेयर कारोबार हुँदा आईएमई लाइफ इन्स्योरेन्सको ३ करोड ३६ लाख र लक्ष्मी सन्राइज बैंकको ३ करोड ३ लाखको कारोबार भएको छ ।
बुधबार नेप्सेमा कुल २२९ सूचीकृत कम्पनीको सेयर कारोबार भएकोमा १३१ कम्पनीको सेयरमूल्यमा गिरावट हुँदा ७९ कम्पनीको सेयरमूल्य बढेको छ । त्यस्तै १९ कम्पनीको सेयरमूल्य स्थिर छ ।