चुम्बन विवादमा परेका स्पानिस फुटबल महासंघका अध्यक्ष रुबियल्सले दिए राजीनामा
सहयात्रा टिभी
काठमाडौं । भदाै २५, चुम्बन विवादमा परेका स्पानिस पुटबल महासंघका अध्यक्ष लुइस रुबियल्सले अन्तत: राजीनामा दिएका छन् ।
महिला विश्वकप फाइनलमा इंग्ल्याण्डलाई १-० ले हराएर स्पेनले उपाधि जितेपछि पुरस्कार वितरण समारोहमा रुबियल्सले स्पानिस फरवार्ड जेनीफर हेर्मोसोलाई चुम्बन गरेका थिए ।
३३ वर्षीया हेर्मोसोले गत मंगलबार यो सहमतिमा नभएको भन्दै रुबियल्सविरुद्ध अदालतमा उजुरी दिएकी थिइन् । रुबियल्सले कार्यवाहक अध्यक्ष पेड्रो रोचालाई आफूले राजीनामा बुझाएको स्टेटमेन्टमार्फत जनाएका छन् ।
‘म मेरो कामलाई निरन्तरता दिन सक्दिन,’ उनले एक टेलिभजन सो मा पिएर्स मोर्गनलाई भनेका छन्न् । ४६ वर्षीय रुबियल्सले यूईएफएको उपाध्यक्ष पदबाट समेत राजीनामा दिएका छन् । रुबियल्सको चुम्बन विवादले गर्दा पहिलो पटक विश्वकप जितेको स्पानिस फुटबलको चर्चा छायामा परेको छ ।
रुबियल्सले चुम्बन आपसी र सहमतिमा भएको बताउँदै आएका थिए तर विश्व पुटबलको सर्वोच्च निकाय फिफाले भने उनलाई प्रारम्भिक रुपमा निलम्बन गरेको थियो ।
‘फिफाले गरेको निलम्बन र मविरुद्धको बाँकी खुला कारबाही पछि यो स्पष्ट छ कि म आफ्नो स्थितिमा फर्कन सक्षम हुनेछैन,’ रुबियल्सको विज्ञप्तिमा भनिएको ।