नेपाललाई ओमानले दियो १४६ रनको लक्ष्य
सहयात्रा टिभी
काठमाडौं । कात्तिक १६, टी-२० विश्वकप एसिया छनोट फाइनलमा ओमानसँग खेलमा नेपालले १४६ रनको लक्ष्य पाएको छ ।
त्रिवि क्रिकेट मैदान, कीर्तिपुरमा टस हारेर ब्याटिङको निम्तो पाएको ओमानले निर्धारित २० ओभरमा ९ विकेट गुमाएर १४५ रन बनाउन सक्यो ।
नेपालका करण केसीले ३ विकेट लिए भने सोमपाल कामी र सन्दीप लामिछानेले २/२ विकेट हात पारे । गुल्शन झा र अविनाश बोहोराको नाममा एक/एक विकेट रह्यो ।
ओमानका कप्तान जिसन मक्सदले ३२, नसिम खुसीले २५, प्रतीक अथावालेले २४ रन र सकिल अहमेदले २२ रन जोडे । अरु ब्याट्सम्यानले दोहोरो रन जोड्न सकेनन् ।
नेपालले केहीबेरमा जवाफी ब्याटिङ गर्नेछ ।