गुल्सनले यू-१९ एसिया कप खेल्ने
सहयात्रा टिभी
काठमाडौं । मंसिर ९, राष्ट्रिय सिनियर क्रिकेट टिमका खेलाडी गुल्सन झाले यू–१९ एसिया कप खेल्ने भएका छन् ।
सिनियर राष्ट्रिय टिमबाट निरन्तर खेल्दै आएका गुल्सनले यू–१९ टिमबाट समेत एसिया कप खेल्ने पक्का भएको हो ।
उनले यसअघि श्रीलंकामा भएको सिनियर टिम सम्मिलित एसिया कप समेत खेलेका थिए ।
गुलसन सिनियर र जुनियर दुवै टिमबाट एकै बर्ष नेपालका लागि एसिया कप खेल्ने पहिलो खेलाडी बन्ने भएका हुन् ।
राष्ट्रिय क्रिकेट टिमका अलराउण्डर गुलसनलाई यू–१९ टिममा राख्ने विषयमा नेपाल क्रिकेट संघ क्यानले समेत औपचारिक निर्णय गरेको छ ।
‘उमेर सहित सबै कुराले गुलसनलाई एसिया कप खेलन मिल्ने भयो । त्यही भएर उसलाई एसिया कप पठाउने निर्णय गरेका हौं ।’ क्यान सचिव पारस खड्काले भने, ‘एउटा नेतृत्वको विकास गरौं भन्ने उद्देश्य पनि रहेको छ । प्रशिक्षक सहित सबैसँगको सल्लाहाबाट यो निर्णय गरिएको हो ।’
नेपाल यू–१९ प्रिमियर कप जित्दै एसिया कपमा छनोट भएको थियो । प्रतियोगिता श्रीलंकाबाट यूएई सरेको छ ।