यु-१९ राष्ट्रिय बास्केटबल च्याम्पियनसिप पुस ३ गते देखि सुरु
सहयात्रा टिभी
काठमाडौँ । पुस २, नेपाल बास्केटबल संघ (नेबा) ले समृद्धि स्कुलसँगको सहकार्यमा गर्ने यु-१९ राष्ट्रिय बास्केटबल च्याम्पियनसिप पुस ३ गते मंगलबारदेखि सुरु हुनेछ ।
प्रतियोगिता पुस ३ देखि १० गतेसम्म राष्ट्रिय खेलकुद परिषदको कभर्डहलमा आयोजना हुने सोमबार पत्रकार सम्मेलनमा जानकारी गराइएको छ ।
प्रतियोगितामा विभिन्न स्कुल, कलेज र क्लबहरु गरी कूल २५ टोलीको सहभागिता हुनेछ । जसमा २० ब्वाइज र ५ गर्ल्स टिमको सहभागिता हुने प्रतियोगिताको संयोजक तथा नेपाली राष्ट्रिय महिला टिमका प्रशिक्षक विकास शाहीले जानकारी दिए ।
नेपाल बास्केटबल संघका कार्यवाहक अध्यक्ष भिमसिंह गुरुङले बास्केटबलमा सहकार्य गरेकोमा समृद्धिलाई धन्यवाद दिँदै खेलकुदलाई बुझेर खेलकुद विकासमा समृद्धि स्कुलले सहयोग गरेको बताए ।
यस्तै बास्केटबल संघले कोभिडपछि विभिन्न प्रतियोगिताहरु आयोजना गर्दै आएको र अब छिटै वार्षिक क्यालेन्डर सार्वजनिक गर्ने बताए ।प्रतियोगिताको लागि करिब ८ लाख बजेट लाग्ने बास्केटबल संघले जनाएको छ ।