डीएसपी बस्याल मृत भेटिएको कोठामा एक पृष्ठ लामो नोट फेला
सहयात्रा टिभी
काठमाडौं । फागुन २३, सशस्त्र प्रहरी बलका डीएसपी उपेन्द्र बस्याल मृत भेटिएको कोठामा एउटा ‘सुसाइड नोट’ पनि फेला पारेको छ ।
मोरङको धनपालथान गाउँपालिका–३ स्थित सशस्त्र प्रहरीको सीमा सुरक्षा गुल्ममा कार्यरत बस्याल २१ फागुनमा आफ्नो क्वार्टरमा मृत भेटिएका थिए ।
उनी मृत भेटिएको कोठामा प्रहरीले फेला पारेको एक पृष्ठ लामो नोट प्रारम्भिक अनुसन्धानबाट उनकै भएको खुलेको जिल्ला प्रहरी कार्यालय मोरङले जनाएको छ ।
नोटमा बस्यालले आफ्नो मृत्युको छानबिनका नाममा कसैलाई दुस्ख नदिन आग्रह गरेका छन् र आफ्ना परिवारका सदस्य तथा सशस्त्र प्रहरी बल संगठनसँग माफी मागेका छन् ।