इन्डोनेशियाको राष्ट्रपतिमा प्रबोवो सुबिआन्तो विजयी
सहयात्रा टिभी
काठमाडौँ । चैत ८, इन्डोनेशियामा अघिल्लो महिना भएको राष्ट्रपति निर्वाचनमा रक्षामन्त्री प्रबोवो सुबिआन्तो विजयी भएका छन् ।
सेनामा रहेका बेला मानवअधिकार उल्लंघनको आरोप लागेका ७२ वर्षीय सुबिआन्तोले ५८।५९ प्रतिशत मत पाएका हुन् ।
प्रतिद्वन्द्वी अनिस बसवेडनले २५ प्रतिशत र गन्जर प्रणोवोले १६ प्रशित मत पाएका छन् । यद्यपि उनका दुबै प्रतिद्वन्द्वीले चुनावी नतीजलाई चुनौती दिने बताएका छन् ।
इन्डोनेसियामा २०.५ करोड मतदाता छन्, यही १४ फेब्रुअरीमा भएको निर्वाचनमा ८० प्रतिशतले मतदान गरेका थिए । तर राष्ट्रपति चुनाव प्रचारका क्रममा उनले आफ्नो छवि सुधारका लागि सामाजिक सञ्जालमार्फत निकै मिहिनेत गरे । उनले प्रचारमा युवाहरुलाई आकर्षित गर्ने प्रयास गरे ।
उनले आगामी अक्टोबरमा वर्तमान राष्ट्रपति जोको विडोडोको स्थान लिनेछन् ।