नेपाल बास्केटबल संघले पहिलेकै माहोल फर्काउने प्रयास
सहयात्रा टिभी
काठमाडौं । चैत २९, कुनै बेला स्कुल, कलेजदेखि अन्तर्राष्ट्रिय सहभागितासम्म नेपाली बास्केटबल टोलीको व्यस्तता निकै थियो ।
पछिल्लो समय फेरि नेपाल बास्केटबल संघ (नेबा)ले पहिलेकै माहोललाई फर्काउने प्रयास गरिरहेको छ ।
नेपालले उमेर समूहदेखि सिनियर स्तरमा पनि अन्तर्राष्ट्रिय प्रतियोगिता खेल्थ्यो । बीचमा केही समय बास्केटबलको यो माहोल सुस्त बन्यो ।
पहिलेकै माहोललाई फर्काउने प्रयासका लागि बाह्रै महिना खेलाडीहरुको प्रशिक्षण गर्ने, वर्षैभरी व्यस्त बनाउने, ग्रासरुटदेखि राष्ट्रियस्तरसम्मको प्रतियोगिता गर्ने अनि अन्तर्राष्ट्रिय प्रतियोगितामा सहभागिता र आयोजनाको लक्ष्य नेबाले राखेको छ ।
नेबाले २०८१/८२ को प्रस्तावित वार्षिक कार्यक्रममा पनि यी प्रतियोगिताहरु सहित रेफ्री र कोचको ट्रेनिङ अनि मिनी बास्केटबललाई समेटेको छ ।
यस बाहेक १७ औं राष्ट्रिय महिला तथा १८ औं राष्ट्रिय पुरुष बास्केटबल २०८१ मंसिरमा गर्ने तय छ ।
यस्तै बच्चाहरुका लागि मिनी बास्केटबलको अवधारणा समेत नेबाले बनाएको छ । ‘मिनी बास्केटबलमा १२ वर्षमुनिका बच्चाहरुले सहभागिता जनाउनेछन्,’ नेबाले २०८१ को अन्तिममा पोखरामा मिनी बास्केटबल कन्भेन्सन नै गर्ने कार्यक्रम छ ।
यसैगरी विद्यालयहरुमा बास्केटबल पु¥याउने र सिकाउने लक्ष्यका साथ ‘बल इन स्कुल’ कार्यक्रम समेत गर्ने गुरुङले बताए ।