चितवन राष्ट्रिय निकुञ्जमा दुलर्भ एक सिंगे गैंडा र बाघ मृत
सहयात्रा टिभी
काठमाडौँ । वैशाख २५, चितवन राष्ट्रिय निकुञ्जमा दुलर्भ एक सिंगे गैंडा र एक पाटे बाघ मृत भेटिएका छन् ।
निकुञ्नका सूचना अधिकारी गणेशप्रसाद तिवारीले दिएको जानकारी अनुसार निकुञ्जको कोर क्षेत्र भिमपुरमा बाघ र नवलपरासीको कावासोती-१५ स्थित मध्यवर्ती क्षेत्रमा गैंडा मृत भेटिएका हुन्।
गैंडाको खाग, खुर सुरक्षित रहेकाले प्राकृतिक कारणले मृत्यु भएको हुन सक्ने निकुञ्जका सूचना अधिकारी तिवारीले दावी गरे ।
निकुञ्ज कार्यालय र नेपाली सेनाको नयाँ गोरख गणको संयुक्त गस्ती टोलीले भिमपुरमा मृत बाघ भेटेको उनले बताए। मृत बाघ र गैंडाको पोष्टमर्टम हुन बाँकी छ। चालु आर्थिक बर्षमा २१ गैंडा र ६ बाघ मृत भेटिएका छन् ।