काठमाडौंको थलीमा पुरुषको शव फेला
सहयात्रा टिभी
काठमाडौं । जेठ ८, काठमाडौंको कागेश्वरी मनोहरा नगरपालिका स्थित थलीमा एक पुरुषको शव भेटिएको छ । आज बिहान साढे ५ बजे थली उकालोमा कपडाले मुख छोपेको अवस्थामा एक पुरुषको शव फेला परेको हो ।
शवबाट रगत आइरहेकाले घटना शंकास्पद रहेकाले अनुसन्धान भइरहेको जिल्ला प्रहरी परिसर काठमाडौंका प्रवक्ता नवराज अधिकारीले बताए । घटनास्थलबाट २ वटा ब्लेड पनि फेला परेकाले घटनास्थलको मुचुल्का उठाएर अनुसन्धान अघि बढाइएको उनले बताए । उनका अनुसार मृतकका पहिचान खुल्न सकेको छैन ।