वर्षाका कारण हेटौंडामा बागमती प्रदेशसभा भवन जलमग्न
सहयात्रा टिभी
काठमाडौं । जेठ १४, सोमबार दिउँसो परेको वर्षाका कारण हेटौंडामा बागमती प्रदेशसभा भवन जलमग्न भएको छ । उक्त भवनको भित्र र बाहिर पानी जमेको छ ।
प्रदेशसभा भवनमा ढल निकासको प्रबन्ध नहुँदा दिउँसो २ बजेदेखि परेको वर्षापछि पानी जमेको हो ।
बागमतीको प्रदेशसभा बैठक सोमबार नै बोलाइएको छ । बैठकमा प्रदेश प्रमुख यादवचन्द्र शर्माले प्रदेश सरकारको आगामी आर्थिक वर्ष २०८१/८२ को नीति तथा कार्यक्रम प्रस्तुत गर्दैछन् । तर बैठक बस्नुअघि प्रदेशसभा परिसर जलमग्न छ ।