एएफसी च्यालेन्ज लिग : चर्च ब्वाइज र पारो एफसी भिड्दै
सहयात्रा टिभी
काठमाडौं । साउन २९, एएफसी च्यालेन्ज लिग अन्तर्गत नेपालको लिग च्याम्पियन चर्च ब्वाइज युनाइटेड र भुटानको लिग च्याम्पियन पारो एफसी भिड्दैछन् ।
त्रिपुरेश्वरस्थित दशरथ रंगशालामा खेल साँझ ६ बजेबाट सुरु हुनेछ । बलिया विदेशी नामसहित नेपाल उत्रिएको पारो उत्कृष्ट नतिजासहित फर्किने लक्ष्यमा रहँदा नेपाली स्टारले भरिएको चर्च ब्वाइज भने घरेलु मैदानको फाइदा उठाउने लक्ष्यमा छ।
३ पटक विश्वकप खेलेका ३८ वर्षीय होन्डाको भुटानी टोलीमा छन् । यो पटक पारोले होन्डासँगै कुल ११ विदेशी खेलाडी दर्ता गर्दै टिमलाई मजबुत बनाएको छ। पारो एफसी कप छनौट खेल्न गत वर्ष पनि नेपाल आएको थियो । त्यो खेलमा मच्छिन्द्र क्लबले बाजी मारेको थियो ।