रवि लामिछानेसँग ९ घण्टा बयान
सहयात्रा टिभी
काठमाडौं । भदौ ८, सहकारी छानबिन विशेष समितिले तत्कालीन गृहमन्त्री रवि लामिछानेसँग बयान सकिएको छ । अपराह्न साढे ४ बजेबाट सुरु भएको बयान मध्यरातमा १ बजेर १५ मिनेटमा सकिएको हो । बयानमा ५० वटा भन्दा बढी प्रश्नहरू रहेको थिए । बयान ९ घण्टासम्म चलेको थियो ।
बयानमा रवि लामिछानेले बुटवलको सुप्रीम सहकारी, चितवनको सहारा सहकारी ,पोखराको सूर्य दर्शन सहकारी, काठमाडौंको स्वर्ण लक्ष्मी सहकारीबाट गोर्खा मिडिया नेटवर्कमा आएका आफ्नो नाममा खडा गरिएको ऋण, आफ्नो नाममा प्रवाह गरेको भनेको रकम ती सन्दर्भमा आफ्नो हस्ताक्षर आफ्नो कागजात नागरिकता समावेश नभएको स्पष्ट गरेको समितिका सभापति सूर्य थापाले बताए ।
रवि आफू संस्थाको प्रबन्ध निर्देशकको रूपमा आफ्नो प्रशासकीय आन्तरिक काममा संलग्न भएको तर कार्यकारी प्रमुखका रूपमा आर्थिक सहयोग जुटाउने लगायतको कामहरू जीबी राईले गर्ने गरेकोले कहाँबाट कसरी रकम आयो भन्ने कुरा जीबी राईलाई थाहा हुने कुरा बताए ।