बागलुङमा सरकारी गाडी दुर्घटना : ३ जनाको मृत्यु
सहयात्रा टिभी
पोखरा । भदौ २८, बागलुङ गलकोट न पा वडा नं २ घुङखानीमा रा १ झ २०० नम्बरको सरकारी गाडी दुर्घटना भएको छ । प्रहरी चौकी नरेठाँटी बागलुङका अनुसार बिहान पौने ९ बजे दुर्घटना भएको हो ।
दुर्घटना ३ महिला र १ जना पुरुषको मृत्यु भएको प्रहरीले जनाएको छ । १ जना घाइते भएका छन् । घाइतेको धौलागिरि अस्पताल बागलुङमा उपचार भइरहेको छ । उनको अवस्था गम्भीर रहेको छ ।
शव भिरमा अप्ठ्यारो ठाउँमा रहेकाले निकाल्न कठिन भइरहेको प्रहरीले जनाएको छ । मृतकको पहिचान पनि खुलेको छैन । पिकअप गाडी सडकदेखि करिब ३०० मिटर तल खसेको प्रहरीको अनुमान छ ।
दुर्घटनास्थलमा रुकुमपूर्वको पुथा उत्तरगंगा गाउँपालिकाकी उपाध्यक्ष भूपेन्द्रा बुढा मगरको कागजपत्र फेला परेको छ ।