पाल्पामा कार दुर्घटना पाँच जना घाइते

सहयात्रा टिभी

पाल्पा । असोज २८, पाल्पामा कार दुर्घटना हुँदा पाँच जना घाइते भएका छन्। सोमबार दिउँसो साढे ३ बजे तानसेन नगरपालिका-१ नारायणडाँडास्थित तानसेन-रानिमहल सडकमा कार दुर्घटनामा परेको हो।

कार दुर्घटनामा पर्दा पाँच जना घाइते भएको जिल्ला प्रहरी कार्यालय पाल्पाका डिएसपी सुनिल मल्लले जानकारी दिए। लु १ ज ४९६८ नम्बरको गाडी आफै अनियन्त्रित भएर भित्तामा ठोक्किएको प्रहरीले जनाएको छ। उक्त कारमा १३ जना सवार थिए। जसमध्ये पाँच जना घाइते भएको र उनीहरूको उपचारको लागि मिसन अस्पतालमा पठाइएको छ।