यू-१९ महिला टी-२० विश्वकप छनोट : नेपालले आज कुवेतसँग खेल्दै
सहयात्रा टिभी
काठमाडौं । कात्तिक २७, युएईमा जारी महिला यु १९ टी ट्वान्टी विश्व कपको एसिया छनोटमा नेपालले आफ्नो पाँचौं खेलमा आज कुवेतको सामना गर्दैछ ।
युएईको अजमानमा नेपाली समय अनुसार बिहान ११ : १५ बजे खेल सुरु हुनेछ । नेपाल प्रतियोगितामा चौथो जितको खोजीमा रहेको छ ।
नेपालले पहिलो खेलमा थाइल्याण्डलाई ६७ रन र दोस्रोमा कुवेतलाई १ सय ८ रनले पराजित गरेको थियो । तेस्रो खेलमा भने युएईसँग १३ रनले पराजित भएको नेपालले चौथो खेलमा थाइल्याण्डलाई १ सय ६ रनले हराएको थियो ।
उता, कुवेत भने प्रतियोगितामा पहिलो जितको खोजीमा छ । कुवेतले प्रतियोगितामा खेलेको सबै चारै खेलमा हार बेहोरेको छ ।
कात्तिक २९ गते सम्म चल्ने प्रतियोगितामा नेपाल, घरेलु टोली, कुवेत र थाइल्याण्डको सहभागिता छ । नेपालको अन्तिम खेलमा कात्तिक २८ गते (बुधबार) युएईसँग रहेको छ।
डबल राउण्ड रोबिन लिगका आधारमा जारी प्रतियोगिताको शीर्ष टोली विश्व कपका लागि छनोट हुनेछ । विश्व कप अर्को वर्ष मलेसियामा आयोजना हुँदैछ ।