कुलमानले आफैंविरुद्ध मुद्दा हाल्न लगाएको खुलासा
सहयात्रा टिभी
काठमाडौं । कात्तिक २८, नेपाल विद्युत प्राधिकरणका कार्यकारी निर्देशक कुलमान घिसिङले नेपाल सरकार, प्राधिकरण र आफु स्वयं ( कार्यकारी निर्देशक ) विरुद्धमा सर्वोच्च अदालतमा मुद्दा हाल्न लगाएको खुलेको छ ।
बक्यौता नउठाइ उद्योगहरुमा बिजुलीको लाइन जोड्ने निर्णय गरेको भन्दै अधिवक्ता अडानन्द कँडेलको नामबाट कात्तिक २७ गते रिट दर्ता भएको छ ।
सो रिटमा नेपाल सरकार मन्त्रीपरीषद्, उर्जा मन्त्रालय, गिरिश्चन्द्र लाल नेतृत्वको आयोग, नेपाल विद्युत प्राधिकरण, कार्यकारी निर्देशक कुलमान घिसिङलगायतलाई विपक्षी बनाएको छ ।
सो रिटमा यस अघि मन्त्रीपरिषद्ले २७ बैशाख २०८१ मा गरेको निर्णय कार्यन्वयन नगर्न माग गरिरहेको छ । यसरी सरकार, प्राधिकरण र कार्यकारी निर्देशक घिसीङ लगायत विरुद्धमा रिट हाल्ने कँडेल प्राधिकरणकै कानुनी सल्लाहकार अधिवक्ता शरद कोइरालाको ल फर्म लर्ड एण्ड लयर्समा कामगर्ने व्यत्ति हुन् ।
डेडिकेटेड र ट्रंक लाइन विबादमा कोइरालाले नै प्राधिकरणको तर्फबाट सर्वोच्चदेखि जिल्ला अदालतसम्म बहश गरिरहेका छन् ।
त्यस रिटबारे जानकार स्रोतका अनुसार कार्यकारी निर्देशक घिसिङकै योजनामा त्यो रिट सर्वोच्चमा गएको हो । प्राधिकरणका तर्फबाट डेडिकेटेड फिडरसम्बन्धी विवादमा वकालत गरिरहेका अधिवक्ताकै कर्मचारीले रिट हाल्नुले यसलाई पुष्टि गर्ने स्रोतको तर्क छ ।