माइतीघरमा सहकारी पीडितले आज पनि प्रदर्शन गर्दै
सहयात्रा टिभी
काठमाडौं । मंसिर ७, काठमाडौंको माइतीघरमा सहकारी पीडितले आज पनि प्रदर्शन जारी राखेका छन् ।
सहकारीमा बचत गरेको रकम फिर्ता नपाएकाहरुले आफूहरुको रकम फिर्ता पाउनुपर्ने माग गर्दै प्रदर्शन गर्दै आएका छन् ।
उनीहरूले सरकारप्रति आक्रोश पोखेका छन् । उनीहरूले भ्रष्ट सरकार होसिया, वित्त पीडितलाई न्याय दे, बचत रकम फिर्ता दे, सहकारी ठगलाई कारबाही गर, तानाशाही सरकार मुर्दावाद, कम्बोडिया काण्ड छानबिन गर, भ्रष्टाचारी मुर्दावाद, जनता मार्न पाइदैन, देश लुट्न पाइदैन’ लगायतका नारा लेखेर प्रदर्शन गरिरहेका छन् ।
बुधबार थापाथलीतिरबाट आएको सहकारी पीडित र प्रहरीबीच झडप भएको थियो । सहकारी पीडितको जुलुसलाई जुलुसलाई प्रहरीले नेपाली सेनाको मुख्यालय प्रवेश गर्ने गेट नजिकै रोकेको थियो ।
तर जुलुस अगाडि बढ्न खोज्दा झडप भएको हो । झडपमा केही प्रदर्शनकारी घाइते भएका थिए ।