आज नेप्से परिसूचक ४१.४३ अंकले बृद्धि
सहयात्रा टिभी
काठमाडौँ । चैत १४, साताको अन्तिम कारोबार दिन आज नेप्से परिसूचक ४१.४३ अंकले बृद्धि भएको छ। अघिल्लो दिनको तुलनामा कारोबार रकम बढेको छ ।
सो अंकको वृद्धिपछि सेयर बजार परिसूचक नेप्से २६६३ मा कायम भएको छ । अघिल्लो दिन ४ अर्ब २० करोडको कारोबार भएकोमा आज ५ अर्ब २२ करोडको भयो । २२७ कम्पनीको मूल्य बढ्दा १६ को घट्यो । सबै सेक्टरका सूचक बढेका छन् ।
गुराँस लघुवित्तको मूल्य १० प्रतिशत बढ्यो । सिर्जनशील लघुवित्तको ९.९, सपोर्ट माइक्रोफाइनान्सको ८.५, अभियान लघुवित्तको ७.६ तथा मानुषी लघुवित्तको ७.२ प्रतिशत बढ्यो ।
धेरै कारोबार भएका कम्पनीमा हिमालयन रिइन्स्योरेन्स, नेपाल पुनर्बीमा, एनआरएन इन्फ्रास्ट्रक्चर, सीईडीबी होल्डिङ्स तथा ग्रीन डेभलपमेन्ट बैंक क्रमशः अगाडि रहे ।