नेपाल सुपर लिग : चितवन र बुटवल लुम्बिनी भिड्ने

सहयात्रा टिभी

काठमाडौं । चैत २२, नेपाल सुपर लिग (एनएसएल) फुटबल प्रतियोगितामा आज एफसी चितवन र बुटवल लुम्बिनी एफसीबीच प्रतिस्पर्धा हुँदैछ । खेल काठमाडौंको त्रिपुरेश्वरस्थित दशरथ रङ्गशालामा साँझ ६ बजे सुरु हुनेछ । जारी प्रतियोगितामा चितवनले दोस्रो र बुटवल लुम्बिनीले तेस्रो खेल खेल्न लागेका हुन् । आजको खेलमा चितवन दोस्रो जितको खोजीमा रहँदा बुटवल लुम्बिनी पहिलो जित निकाल्ने लक्ष्यमा रहने छ ।

यस अघिको खेलमा चितवनले पोखरा थन्डर्सलाई २–० गोलले हराएको थियो भने बुटवल लुम्बिनी एफसी झापा र धनगढी एफसीसँग पराजित भएको थियो । लिगमा धनगढी एफसी, एफसी चितवन, ललितपुर सिटी एफसी, काठमाडौं रेजर्स, झापा एफसी, बुटवल लुम्बिनी एफसी र पोखरा थन्डर्स गरी सात टोली सहभागी छन् ।

प्रकाशित : 4 April, 2025

प्रतिक्रिया दिनुहोस्