नारायणघाट-मुग्लिन खण्डमा अवरूद्ध सडक दुईतर्फी खुल्यो
सहयात्रा टिभी
काठमाडौं । वैशाख २८, नारायणघाट-मुग्लिन सडकको तुइनखोलामा ट्रक अनियन्त्रित भई पल्टिएपछि अवरुद्ध सडक सञ्चालनमा आएको छ।
आइतबार विहान इच्छाकामना-५ तुइनखोला भन्ने स्थानमा वीरगन्जबाट काठमाण्डौ जाँदैगरेको मधेश प्रदेश ०३-००१ख ९८१७ नम्बरको कोईला लोड गरिएको ट्रक आफैं अनियन्त्रित भई सडकमा पल्टिएको थियो।
दुर्घटनापछि नारायणघाट-मुग्लिन सडक अवरुद्ध भएको थियो।
सडकबाट ट्रक हटाइएपछि बाटो दुइतर्फी नै सञ्चालनमा आएको जिल्ला प्रहरी कार्यालय चितवनका डिएसपी रविन्द्र खनालले जानकारी दिए।