कमल थापालाई ससम्मान नियन्त्रणमुक्त गर्न लिङ्देनको माग
सहयात्रा टिभी
काठमाडौं । जेठ १८, राप्रपा अध्यक्ष राजेन्द्र लिङ्देनले कमल थापालाई ससम्मान नियन्त्रणमुक्त गर्न माग गरेका छन् ।
अन्यथा भोलिबाट काठमाडौं ठप्प पार्ने उनले चेतावनी दिए । आज काठमाडौंमा प्रदर्शनको क्रममा प्रहरीले कमल थापालाई नियन्त्रणमा लिएको छ ।
त्यसपछि प्रदर्शनकारीलाई सम्बोधन गर्दै अध्यक्ष लिङ्देनले भने, ‘अब हामी देशभरीबाट साथीभाइहरुलाई बोलाउँछौं, खास लडाइँ भोलिबाट सुरु हुन्छ ।’
उनले थपे, ‘अब हामी एक ठाउँमा भेला भएर होइन, ५० ठाउँबाट निस्किन्छौं । कहाँ रोक्नुहुन्छ तपाईं ?’
कमल थापालाई फिर्ता गर्न माग गर्दै लिङ्देनले भने, ‘कमल थापालाई अहिले यहीँ ल्याएर ससम्मान फिर्ता नगर्ने हो भने भोलिबाट काठमाडौं उपत्यका बन्द सुरु हुन्छ ।’
उनले आफूहरुको बाध्यतालाई कमजोरी नठान्न चेतावनी दिए ।