रुसमा ८.८ म्याग्निच्युडको शक्तिशाली भूकम्प, जापान लगायतका देशमा सुनामीको चेतावनी
सहयात्रा टिभी
काठमाडौं । साउन १४, रुसको सुदूर पूर्वी कामचट्का प्रायद्वीपमा ८.८ म्याग्निच्युडको शक्तिशाली भूकम्प गएको छ ।
बीबीसीका अनुसार सुरुमा ८.७ म्याग्निच्युडको भूकम्प गएको भनिए पनि संयुक्त राज्य भूगर्भ सर्वेक्षणले रुसमा ८.८ म्याग्निच्युडको भूकम्प गएको जनाएको छ ।
रुसको सुदूर पूर्वमा कामचट्स्कीबाट १३६ किलोमिटर (८४ माइल) पूर्वमा भूकम्प गएको हो । भूकम्पपछि रुसले सुनामी चेतावनी जारी गरेको छ ।
भूकम्पका कारण जापान, हवाई, अलास्का, गुआम र माइक्रोनेसियाका केही क्षेत्रमा समेत सुनामीको चेतावनी जारी गरिएको छ ।