अष्ट्रेलिया जाने टिमको फिटनेस टेस्टमा, सन्दीप पनि सहभागी
सहयात्रा टिभी
काठमाडौं । साउन २२, क्रिकेटर सन्दीप लामिछाने राष्ट्रिय टीमको बन्द प्रशिक्षणमा सहभागी भएका छन् ।
उनी प्रशिक्षक र क्यानलाई जानकारी दिएर बन्द प्रशिक्षणमा अनुपस्थित रहेका थिए । आज क्यानले अष्ट्रेलिया जाने १६ सदस्यीय राष्ट्रिय टीमको फिटनेस र फिजिकल टेस्ट गरिरहेको छ ।
सातदोबाटोस्थित स्पोर्ट्स साइन्स एन्ड रिसर्च सेन्ट र नेसनल हाइ पर्फमेन्स सेन्टरमा फिटनेस र फिजिकल टेस्ट भएको हो । अन्य खेलाडीहरूसँग सन्दीप पनि त्यहाँ सामेल भएका छन् । क्यानले अष्ट्रेलियामा आयोजना हुने टप इन्ड टी-२० सिरिजका लागि रोहितकुमार पौडेलको कप्तानीमा १६ सदस्यीय टीमको घोषणा गरेको छ ।