रुसी राष्ट्रपति पुटिनसहितका नेताहरू चीन भ्रमणका लागि पुगे
सहयात्रा टिभी
काठमाडौं । भदौ १५,रुसी राष्ट्रपति भ्लादिमिर पुटिनसहितका नेताहरू चीन पुगेका छन् । चार दिने चीन भ्रमणका लागि पुटिन चीनको तियान्जिन पुग्नुभएको हो ।
जापानसँग भएको युद्धको ८०औं वार्षिकोत्सवका अवसरमा चीनमा आयोजना हुन लागेको ‘विजय दिवस’ परेडमा पुटिनसहित विभिन्न देशका सरकार एवम् राष्ट्रप्रमुखले भाग लिँदैछन् ।
शिखर सम्मेलनमा भाग लिन नेपालका प्रधानमन्त्री केपी शर्मा ओली, भारतीय प्रधानमन्त्री नरेन्द्र मोदी र पाकिस्तानी प्रधानमन्त्री शाहबाज शरीफ यसअघि नै तियान्जिन पुगिसक्नुभएको छ ।
भारतीय प्रधानमन्त्री मोदी र चिनियाँ राष्ट्रपति सीबीच आज बिहान भेटवार्तासमेत भएको छ । मोदी र पुटिनसँगै मध्य एशिया, मध्य पूर्व, दक्षिण एशिया र दक्षिण–पूर्वी एशियाका नेताहरूले शिखर सम्मेलनमा भाग लिनुहुनेछ ।