‘काजी’ को रिलिज डेट घोषणा

सहयात्रा टिभी

काठमाडौं । मंसिर १२ , लक्ष्मण रिजालको निर्देशनमा निर्माण भइरहेको नेपाली फिल्म ‘काजी’ले प्रदर्शन मिति तय गरेको छ । फर्स्टलुक सार्वजनिक गर्दै निर्माण टिमले शुक्रवार रिलिज डेट लक गरेको हो ।

‘काजी’ नयाँ वर्ष २०८३ को पूर्व सन्ध्या पारेर आगामी चैत २७ गते रिलिज हुनेछ । आगामी नयाँ वर्षको बिदा भेट्ने गरी ‘काजी’ चैत २७ गते आउने भएको हो । रामप्रसाद रिजालको प्रस्तुति रहेको यो फिल्मको शुक्रवार बिहान सार्वजनिक गरिएको फर्स्ट लुकमा फिल्मका मुख्य पात्र विपिन कार्की फिचर्ड गरिएका छन् । उनी योङ एण्ड हेन्डम देखिएका छन् ।

चिटिक्क पारेर कोरेको कपाल र दारीमा रहेका उनले सर्ट लगाएका छन् । उनी केही गम्भीर मुद्रामा केही सोचिरहेको र केही हेरिरहेको देखिन्छन् । पोस्टरमा केकी अधिकारी पनि देखिन्छन् । उनलाई विपीनले आफ्नो मुटुमा राखेको जस्तो देखिएको छ । सँगै खाना खाइहेको पुराना दिन सम्झिरहेको जस्तो देखिन्छ । पोस्टरले यो फिल्म पारिवारिक लभस्टोरीमा केन्द्रित रहेको अनुमान लगाउन सकिन्छ ।

विपिन र केकीसँगै यो फिल्ममा गरिमा शर्मा, प्रकाश घिमिरे, हेमन्त बुढाथोकी, विशाल पहारी, विनोद न्यौपाने, रश्मी भट्ट, हिउवाला गौतम, सन्दिपबाबु लोहनी, रोजी श्रेष्ठ, गंगा शर्मा, नवराज गिरि, बुद्धी सागर खनाल, प्रशंसा सुवेदी, कृतिका शर्मा बाल कलाकार दिक्षिता अर्याललगायतको अभिनय छ ।

रिजाल एण्ड रिजल प्रोडक्सनको व्यानरमा निर्माण रहेको यो फिल्मलाई राम प्रसाद रिजालले निर्माण गरेका छन् । फिल्ममा प्रदीप भारद्धाजको लेखन रहेको छ । फिल्मलाई चिन्तन राजभण्डारीले खिचेका छन् भने गीत–संगीत कालिप्रसाद बास्कोटाले तयार पारेका छन् ।

यो फिल्मको प्रोड्क्सन डिजाइनर ओजस्वी ओझा हुन् । रंग संयोजक श्याम कुँवर, लोकेशन साउन्ड तथा साउन्ड डिजाइन सागर अर्याल, ब्याक्ग्राउन्ड स्कोर सुजिल कर्माचार्यको रहनेछ । क्रिएटिभ हेड रोनाल्ड श्रेष्ठ, नृत्य निर्देशक कविराज गहतरजको रहेको छ ।

प्रोडक्सन हेड प्रकाश हमाल छन् भने सम्पादन सुपरभाइजर बनिश शाह छन् । सम्पादक बिपिन मल्ल रहेका छन् । कार्यकारी निर्माता असिम काफ्ले, निर्माता नेहान रिजाल, बिकाश राज जोशी रहेका छन् । वितरक श्रीराम बालाजी फिल्म्स रहेको छ ।

यो फिल्ममार्फत लक्ष्मण रिजाल ८ वर्षपछि निर्देशनमा फर्किएका छन् । आफूले खोजेको जस्तै स्क्रिप्ट पाएकाले निर्देशनमा कमव्याक गरेको उनले बताएका छन् । उनले यसअघि कसम, धुँवा यो नशा, अलविदा, कायरा लगायतका फिल्म निर्देशन तथा ‘डिसेम्बर फल्स’ तथा ‘गणपति’ को निर्माण गरेका थिए ।