मनोनयन दर्ता गर्न झापा पुगे ओली, सरकारमाथि चुनावी वातावरण बिगारेको आरोप
सहयात्रा टिभी
काठमाडौं । माघ ५,आसन्न प्रतिनिधिसभा निर्वाचनको तयारीका क्रममा पूर्वप्रधानमन्त्री तथा नेकपा (एमाले) का अध्यक्ष केपी शर्मा ओली आज झापा पुगेका छन्। उनलाई भद्रपुर विमानस्थलमा सयौं कार्यकर्ताले नेपालको चुच्चे नक्सासहित भव्य स्वागत गरेका छन्।
यो उनको जनजी आन्दोलनपछि सत्ताच्युत भएर जाँचबुझ आयोगको स्थान हद (यात्रा प्रतिबन्ध) फुकुवा भएपछि काठमाडौं बाहिरको पहिलो भ्रमण हो। उनी झापा क्षेत्र नम्बर ५ बाट उम्मेदवारी दर्ता गर्न तयारीमा छन्, जसको मनोनयन दर्ता भोलि (मंगलबार) हुने कार्यक्रम छ।
विमानस्थलमा बोल्दै ओलीले भने, “मतदाताहरूमा त्रास, डर, धम्की तथा सामाजिक सञ्जालको दुरुपयोगका कारण अझै चुनावी वातावरण बनिसकेको छैन।”
उनी यसअघि दमकमा आफन्तको घरमा बस्दै आएका थिए, तर जनजी आन्दोलनको क्रममा त्यो घरमा आगजनी भएको थियो। अब उनी होटलमा बस्ने र जिल्लाका नेता-कार्यकर्तासँग चुनावी तयारीबारे छलफल गर्ने बताइएको छ।
रोचक तथ्य: झापा-५ मा प्रतिस्पर्धा
झापा-५ ओलीको परम्परागत निर्वाचन क्षेत्र हो, जहाँ उनीले विगतमा पटक-पटक जितेका छन् । तर यसपालि यो क्षेत्र चर्चामा छ किनकि काठमाडौं महानगरपालिकाका मेयर बालेन्द्र शाह (बालेन) पनि राष्ट्रिय स्वतन्त्र पार्टीबाट यहाँबाट उम्मेदवारी दिने तयारीमा छन् । बालेन उनको आधा उमेरका युवा नेता हुन्, जसले चुनावलाई रोचक बनाएको छ।