सहमतिय सरकार बनाउन ओलीको प्रस्ताव
सहयात्रा टिभी
काठमाडौं । प्रधानमन्त्री निवास बालुवाटारमा प्रधानमन्त्री पु्ष्पकमल दाहाल, कांग्रेस सभापति शेरबहादुर र एमाले अध्यक्ष केपी ओलीबीच दोस्रो चरणको निर्वाचन, स्थानीय तहको संख्या, राजपाको आन्दोलन, संसद्को अवरोध लगायतका विषयमा छलफल भएपनि सहमति हुन सकेन । बैठकमा प्रधानमन्त्री दाहालले एमालेको असहयोगका कारण मधेश केन्द्रीत दलहरु सहमतिमा आउन नसकेको भन्दै गुनासो गर्नुभएको थियो । एमाले अध्यक्ष ओलीले सरकार आपसी सरसल्लाह नगरी एकलौटी रुपमा अघि बढेकाले यो परिणाम आएको जवाफ दिनुभएको थियो । यसैबीच, एमाले अध्यक्ष ओलीले सहमतिय सरकार निर्माणका लागि आफनो पार्टी तयार रहेको बताउनुभएको छ । संसद भवन नयाँ बानेश्वरमा संचारकर्मीहरुलाइ प्रतिक्रिया दिंदै अध्यक्ष ओलीले जसको नाममा सहमति हुन्छ, उसैको नेतृत्वमा सरकार बनाउनुपर्ने बताउनुभयो ।