२४ घण्टामै १६ दुर्घटना !
सहयात्रा टिभी
काठमाण्डौं । काठमाडौं उपत्यकामा विगत २४ घण्टामा १६ वटा सवारी दुर्घटना भएका छन् । छोटो समयमै यतिका धेरै दुर्घटना भए पनि ती घटनामा मानवीय क्षति भने भएको छैन ।
विगत २४ घण्टामा ट्राफिक नियम उल्लंघन गर्ने १ हजार ६५६ जना चालक कार्वाहीमा परेको प्रहरीले जनाएको छ । तीमध्ये मापसे गरी सवारी साधन चलाउने ७९ जना, लेन उल्लंघन गर्ने २३६ जना छन् ।
यस्तै विगत २४ घण्टामा उपत्यकाबाट १०६ जनालाई नियन्त्रणमा लिइएको महानगरीय प्रहरी कार्यालय प्रहरी निरीक्षक रामेश्वर चापागाईले बताएका छन् । चोरी, होहल्ला, शंकास्पद अवस्थामा रहेका र विभिन्न अभियोगमा फरार रहेकाहरु पक्राउ परेका हुन् । काठमाडौंबाट ८८, ललितपुरबाट १४ र भक्तपुरबाट ४ जनालाई नियन्त्रणमा लिइएको प्रहरी निरीक्षक चापागाईले जानकारी दिएका छन् ।