उम्मेद्वारको घरमा विप्लव माओवादीको कालो झण्डा
सहयात्रा टिभी
ताप्लेजुङ । यसअघिका सबै चुनावहरु वहिष्कार गर्दै आएको नेत्रविक्रम चन्द विप्लवको नेपाल कम्युनिष्ट पार्टीले आसन्न चुनावमा ताप्लेजुङका एक उम्मेद्वारको घरमा कालो झण्डा गाडिदिएको छ ।
प्रदेशसभातर्फ ताप्लेजुङ (ख) का माओवादी केन्द्रतर्फका उम्मेद्वार टंक आङ्बुहाङको साविकको चाँगे गाविसमा रहेको घरमा कालोझण्डा गाडेको हो ।यसअघि विज्ञप्ति प्रकाशित गरी उम्मेद्वारी फिर्ता गर्न सबैलाई आग्रह गरेको र आग्रहलाई वेवास्ता गरेकाले आङ्बुहाङको घरमा कालोझण्डा राखेर घर कब्जामा लिएको नेकपाका जिल्ला इन्चार्ज आशिषले जानकारी दिए । यता प्रमुख जिल्ला अधिकारी मोहन जिसीले आङ्बुहाङको घरमा कालो झण्डा गाडेको जानकारी आएको र सो स्थानमा प्रहरी पठाइएको बताएका छन् ।