कांग्रेसको विजय जुलुसमा झडप, प्रहरीको ३ राउण्ड हवाइ फायर
सहयात्रा टिभी
रौतहट । रौतहट क्षेत्र नम्बर–२ को राजपुर नगरपालिकामा नेपाली कांग्रेस र संघीय समाजवादी फोरमका समर्थक, कार्यकर्ताबीच झडप भएको छ ।
कांग्रेस उम्मेद्वार मोहम्मद अफ्ताव आलमको विजय जुलुसका क्रममा संघीय समाजवादी फोरमका कार्यकर्ता, समर्थकबीच झडप भएको प्रहरीले जनाएको छ । स्थिति नियन्त्रणमा लिन प्रहरीले ३ राउण्ड हवाई फायर गरेको छ ।
दर्जनौं सेल अश्रुग्याँस समेत प्रहार गरेको छ । स्थिति नियन्त्रणमा लिन जिल्लाबाट थप प्रहरी टोली त्यहाँ पठाइएको जिल्ला प्रहरी कार्यालय रौतहटले जानकारी दिएको छ ।