कपिलवस्तु डान्स आइडल भइन् ऐश्वर्या

सहयात्रा टिभी

कपिलवस्तु । जिल्लाको वाणगंगा–७ वनगाईको पारिजात माध्यमिक विद्यालय कक्षा ६ मा अध्ययनरत विद्यार्थी ऐश्वर्या पौडेलले सातौं कपिलवस्तु डान्स आइडलको उपाधि जित्न सफल भएकी छन् ।

यही मंसिर २३ गतेदेखि जीतपुर रङ्गशालामा जारी नवाँं कपिलवस्तु महोत्सवमा सञ्चालन भएको सातौं डान्स आइडल प्रतियोगितामा ५० प्रतिष्पर्धीलाई पछि पार्दै उनी प्रथम हुन सफल भएकी हुन् । उनले उपाधिसँगै नगद ५५ हजार ५५५ सहित आकर्षक पुुरस्कार प्राप्त गरेकी छन् ।

बुधबार सम्पन्न आइडल प्रतियोगितामा द्धितीय स्थानमा आवर विज्डम बोडिङ स्कुलमा अध्ययनरत एलिसा सारुले नगद ३५ हजार ५५५ सहित आकर्षक पुरस्कार पाइन् भने तृतीय स्थान मोतिपुर सामुदायिक विद्यालयमा अध्ययनरत मोनिका हमालले प्राप्त गरिन् । उनले पनि नगद २५ हजार ५५५ सहित आकर्षक पुरस्कार प्राप्त गरेकी छन् । जिल्लाभित्र सर्वाधिक चर्चा बटुलेको डान्स आइडलको उपाधिलाई जिल्लावासीले महत्वका साथ हेर्ने गरेका छन् । महोत्सवको बुधबार युवा तथा खेलकुदमन्त्री राजन केसीले समापन गरेका थिए ।