लिक भयो ‘मिष्टर झोले’ को सुटिङका तस्बीर
सहयात्रा टिभी
काठमाण्डौ । पुसबाट रिलिज गर्ने लक्ष्य राखिएको चलचित्र हो ‘मिस्टर झोले’ को सुटिङ्गका तस्वीरहरु बाहिर आएका छन् । रौनकविक्रम कँडेल कार्यकारी निर्माता रहेको चलचित्रलाई टेकेन खड्काले निर्माण गरेका हुन् ।
चलचित्रको ‘ओखती’ बोलको गीत अहिले हिट भएको छ, भने ट्रेलर पनि दर्शकले मन पनि पराएका छन् । प्रचार–प्रसारको क्रममा चारैतिरबाट राम्रो चर्चा पाएको चलचित्रको अहिले सुटिङ समयका केही तस्बिर सार्वजनिक भएका छन् । तस्बीरमा कलाकारले क्यामरा बाहिर गर्ने गतिविधि समेत देखिएको छ । सुटिङका यस्ता तस्बीर प्रायः चलचित्र युनिटले मेमोरीका लागि बचाएर राख्ने गरेको छ । यो मामलामा यो चलचित्र युनिट पछि परेको छ । तस्वीर सार्वजनिकले चलचित्रको प्रचारलाइ कुनै असर नगर्ने बरु टेवा पुग्ने निर्माता टेकेन खड्का बताउँछन् ।
चलचित्र अहिले प्रचार प्रसारको दौडमा छ । रामबाबु गुरुङले निर्देशन गरेको ‘मिस्टर झोले’ लाई लिएर यसका कलाकार पनि उत्साहित छन् । दायाहाङ राई र दिया पुनको मुख्य भूमिका रहेको चलचित्रले कमेडी बिषय प्रस्तुत गरेको छ । चलचित्रमा दयाहाङ र दियाका अलवा बर्षा राउत, वुद्धि तामाङ, बिजय बराल, कमलमणि नेपाललगायतले अभिनय गरेका छन् ।