गजल प्रतिभा पुरस्कारका लागि एक लाख सहयोग
सहयात्रा टिभी
पोखरा । गजल प्रतिभा पुरस्कार वितरणका लागि अक्षयकोष स्थापना गर्न एक लाख सहयोग प्राप्त भएको छ । गैरआवासीय नेपाली संघ युकेका संयोजक लालबहादुर गुरुङले आफ्ना स्व. पिता बेलबहादुर गुरुङको स्मृतिमा एक लाख १११ सहयोग प्रदान गरेका हुन् ।
लालबहादुरका तर्फबाट गजल सन्ध्याका पूर्व अध्यक्ष उदीपराज ढुङ्गानाले संस्थाका अध्यक्ष अमृत सुवेदीलाई उक्त रकम हस्तान्तरण गरेका थिए । गजल साहित्य सिर्जनामा हौसला प्रदान गर्न अक्षयकोष स्थापनार्थ उक्त सहयोग प्रदान गरेको दाता लालबहादुरले बताए । गजल सन्ध्या पोखराले प्रत्येक महिनाको दोस्रो शनिबार नियमित गजल वाचन कार्यक्रम सञ्चालन गर्दै आएको छ ।