नयाँ वर्षमा मापसे गर्ने २८४ चालक कारवाहीमा
सहयात्रा टिभी
काठमाडौं । अंग्रेजी नयाँ वर्षको अवसरमा ट्राफिक प्रहरीले मापसे गरी सवारी साधन चलाउने २ सय ८४ चालकलाई कारवाही गरेको छ ।
अन्य दिनको तुलनामा न्यू इयर इभमा बढी चालक मापसे कारवाहीमा परेका हुन । मापसे कारवाहीमा शनिबार १०६, शुक्रबार ९०, आइतबार भने २८४ जना कारवाहीमा परेका छन् ।
ट्राफिक प्रहरीले अंग्रेजी नयाँ वर्षको अवसरमा मादक पदार्थ सेवन गर्नेहरु बढ्न सक्ने भन्दै राति विभिन्न चोकमा चेकिङ गरेको थियो ।