बार्सिलोना स्पानियोलसँग पराजित
सहयात्रा टिभी
काठमाण्डौँ । माघ ४ – स्पेनिस कोपा डे फुटबलको क्वाटरफाइनल अन्तर्गतको पहिले खेलमा बार्सिलोना स्पानियोलसँग १–० ले पराजित भएको छ । स्पेनिस सुपर कपमा पाँच महिनाअघि रियल मड्रिडसँग पराजित भएयता बार्सिलोनाको यो पहिलो हार हो ।
पहिलो हाफमा गोलरहित बरावरी भएको खेलमा स्पानियोलका खेलाडीले सेर्गी रोबर्टोलाई फउल गरेपछि बार्सिलोनाले पेनाल्टीको अवसर पाएको भएता पनि लियोनेल मेसी यस अवसरको सदुपयोग गर्न चुके । खेलको ८८ औँ मिनेटमा स्पानियोलका ओस्कार मेलेन्डोले गोल गरेपछि खेल आफ्नो पक्षमा पारेको थियो । यद्यपि कोपा डेल रे को दोस्रो लेगको खेलमाा स्पानियोललाई हराउने अवसर अझै बार्सिलोनासँग छ ।