नेपाल फिफा बरियतामा ६ स्थान माथि

सहयात्रा टिभी

काठमाण्डौँ । माघ ४ , विश्व फुटबलको सर्वोच्च निकाय फिफाले २०१८ को जनवरीमा फुटबलको बरियता क्रम निकालेको छ । यस बरियता क्रममा शीर्ष दशमा कुनै परिवर्तन भएको छैन । जर्मनी शीर्ष स्थानमा यथावत  रहँदा ब्राजिल दोस्रो, पोर्चुगल तेस्रो, अर्जेन्टिना चौथो तथा बेल्जियम पाँचौ स्थानमा छन्।

नेपालले यसपटक वरीयतामा६ स्थान सुधार गर्दै १६५ औँ स्थानमा उक्लेको छ । दक्षिण एसियामा सबैभन्दा अगाडी रहेको भारत ३ स्थान सुधार गर्दै १०२औँ स्थानमा उक्लेको छ। यसैगरी ५ स्थान सुधार गरेको माल्दिभ्स १५०औँ स्थानमा उक्लेको छ।भुटान एक स्थान गुमाइ १८८औँ स्थानमा झरेको छ भने बंगलादेश १९७औँ तथा श्रीलंका २ सयौँ स्थानमा यथावत छ।