महोत्तरीमा सवारी दुर्घटना हुँदा ४ जनाको मृत्यु, ३३ जना घाइते
सहयात्रा टिभी
महोत्तरी। माघ–१० महोत्तरीको रामगोपालपुरमा तिर्थ यात्रु चडेको ट्रयाक्टर दुर्घटना हुँदा चार जनाको मृत्यु भएको छ।
रामगोपालपुर ३ थलहीमा ज १ त ३५१६ नम्बरको ट्रयाक्टर दुर्घटना हुँदा रामगोपालपुरका ४० वर्षीय सत्येन्द्र साह, १८ बर्षीय लालबाबु मण्डल, ४५ बर्षीया सावित्रीदेवी मण्डल र ६५ वर्षीया मालतीदेवी दाहाको मृत्यु भएको महोत्तरी जिल्ला प्रहरी कार्यालयले जनाएको छ।
सिन्धुलीको लंगुरखोलामा मेला भरेर फर्कंदै गरेका तिर्थयात्रु सवार ट्रयाक्टर मंगलबार राती दुर्घटनामा परेको हो। दुर्घटनामा परी ३३ जना घाइते भएका छन्। घाइतेमध्ये ६ जनाको अबस्था गंभिर रहेको प्रहरीले जनाएको छ।