कान्तिपुरलाई ७२ घण्टाभित्र बयानका लागि उपस्थित हुन सर्वाेच्चको आदेश

सहयात्रा टिभी

काठमाडौं । सर्वोच्च अदालतले कान्तिपुर मिडिया गु्रपलाई ७२ घण्टाभित्र बयान दिनका लागि आदेश दिएको छ । प्रधानन्यायाधीश गोपाल पराजुलीको एकल इजालासले आइतबार अदालतको अवहेलना मुद्दामा कान्तिपुर गु्रपलाई बयानका लागि ७२ घण्टाभित्र अदालतमा उपस्थित हुन आदेश दिएको हो ।

प्रधानन्यायाधीश पराजुलीले आफ्नो जन्म मितिका बारेमा छापिएका समाचारलाई लिएर अधिवक्ता तोयनाथ ढुंगानाले दायर गरेको रिटमा आफैंले सुनवाई गरेर आदेश दिनुभएको हो । सामान्यता न्यायधीशले आफू र आफ्ना नातेदारसँग सम्बन्धित मुद्दामा आफैंले सुनुवाई नगर्ने चलन छ । आदेशमा बयानका लागि ७२ घण्टाभित्र गु्रपका अध्यक्ष कैलाश सिरोहिया, निर्देशक स्वस्तिका सिरोहिया, प्रधानसम्पादक सुधीर शर्मा र समाचार लेख्ने पत्रकार कृष्ण ज्ञवालीलाई उपस्थित हुन भनिएको छ ।

उक्त आदेशमा कान्तिपुर ग्रुपले पत्रकार आचारसंहिताको पालना गरे नगरेको अध्ययन गरी कानूनसम्मत कारबाही गर्न प्रेस काउन्सिल नेपालका नाममा पनि अन्तरिम आदेश दिएको छ ।