नारी दिवसको अवसरमा समाजसेवी सबिता सम्मानित

सहयात्रा टिभी

काठमाडौं । १०८ औ अन्तराष्ट्रिय नारी दिवसको अवसरमा केन्द्रिय कार्य समितिको आयोजना र केन्द्रिय महिला विभागको ब्यवस्थापनमा योगाभ्यास तथा सम्मान कार्यक्रम सम्पन्न गरेको छ । कार्यक्रममा अटिजम बालबालिकाहरुको लागी बिशेष स्कुल तथा पुनस्थापना केन्द्र (एसएसडिआरसि) स्थापना गरी निरन्तर रुपमा बालबालिकाको सेवामा आफ्नो जिवन समर्पित गर्दै आएकी सामाजिक अभियान्ता सबिता उप्रेतिलाई बिशेष सम्मान गरेको हो ।

संगठनको केन्द्रिय पदाधिकारिहरु एसएसडिआरसि नै पुगेर उप्रेतिको समाज सेवाको उच्च कदर गर्दै सम्मान गरेको हो । संगठनको बरिष्ठ उपाध्यक्ष लेखनाथ कोइरालाको सभापतित्वमा भएको उक्त्त कार्यक्रममा उपाध्यक्ष भवानी दहाल, महासचिव रेवन्त गौतम्न, सचिव भवानी खतिवडा, सचिव राम चन्द्र अधिकारी लगायत केन्द्रिय सदस्यहरुको उपस्थिति सहित योगा शिक्षक सबिना गिरीबाट महिला स्वास्थ्य सम्वन्धि योगाभ्यास गराइएको थियो ।

कार्यक्रमम बालबालिकाहरुको सहयोगार्थ संगठनको केन्द्रिय समितिबाट रु १० हजार, संगठनको जिल्ला कार्यसमिती काठमाण्डौबाट रु २५००, संगठनको जिल्ला कार्यसमिती भक्तपुर महिला बिभागबाट रु २५०० र संगठनको शिक्षा विभागीय कार्यसमिति बाट रु २५०० रकम सहयोग पनि गरेको छ । उक्त कार्यक्रममा संस्थाको बालबालिकाहरुद्वारा डान्स तथा सफलताको कथा प्रस्तुत गरिएको थियो भने सबिता उप्रेतीलाई समर्पित गर्दै केन्द्रिय सदस्य देवि पराजुलीले कविता बाचन र भवानी खतिवडाबाट गित प्रस्तुत गरेका थिए ।