डीपीएल : विराटनगर किङ्गसको पहिलो जीत, रुपन्देही ४२ रनले पराजित

सहयात्रा टिभी

काठमाण्डौँ । चैत्र २१, डिपीएल को बुधवार भएको पहिलो खेलमाठ विराटनगर किङ्गसले रुपन्देही रुपन्देही च्यालेन्जर्स माथी ४२ रनको जीत दर्ता गरको छ । विराटनगरले दिएको १ सय ८२ रनको लक्ष्य प्रदीप ऐरीको अर्धशतकीय पारीको बावजुत रुपन्देही च्यालेन्जर्सले पछ्याउन असफल रह्यो ।

निर्धारित २० ओभर खेलेको रुपन्देही च्यालेन्जर्सले ७ विकेट गुमाएर मात्र १ सय ३९ रन जोड्न सक्यो जसमा प्रदिप सिंह ऐरीले ५४ रन, दीपक प्रसादले २२ रन, सुसान भारी २१, कप्तान शक्ति गौचनले १४ रन जोडे भने अन्य खेलाडीहरुले दोहोरो अंक जोृड्न सकेनन् । विराटनगर किंग्सका शुभम कामतले ३ र रामनरेश गिरीले २ विकेट लिए ।
त्यसअघि ब्याटिङ गरेको विराटनगर किङ्गसले निर्धारित २० ओभरमा ४ विकेटको क्षतिमा १८१ रन बनाएको थियो । विराटनगरका लागि बाबर हायतले ५८ रन, दिलिप नाथले ४३ , अनिलकुमार शाहले ३६ रन बनाए र पारस खड्काले अन्तिम बलमा आउट हुँदै २२ रन बनाए भने शौरभ खनाल १७ रजमा अविजित रहे ।