करेन्ट लागेर एक जनाको मृत्यु, ६ जना घाइते
सहयात्रा टिभी
धादिङ् । बैशाख –४, धादिङको थाक्रेमा करेन्ट लागेर एक जनाको मृत्यु भएको छ । मंगलबार बोरिङ गरेर पानी ल्याउन खोज्दा पाइप मिलाउने क्रममा करेन्ट लागेर झापा ममई गाउँपालिका – ८ की मिम्कि तामाङको मृत्यु भएको हो ।
उनीसँगै रहेका ६ जना घाइते भएका छन् । जिल्ला प्रहरी कार्यालयका अनुसार खानेपानीको पाइप मिलाउन लाग्दा हाइटेन्सन लाइनमा छोएपछि कामदारहरुलाई करेन्ट लागेको हो । करेन्ट लागेर घाइते भएका ६ जना मध्ये ४ जनाको ट्रमा सेन्टर र २ जनाको किर्तिपुर अस्पतालमा उपचार भइरहेको इलाका प्रहरी कार्यालले जनाएको छ ।