बुटवल । बैशाख–१४, संघीय मामिला तथा सामान्य प्रशाशन मन्त्री लालबाबु पण्डितले सरकारले खटाएको ठाउँमा जान नमान्ने कर्मचारीहरुलाई काम छाड्न चेतावनी दिएका छन् ।
लुम्बिनी प्रेस क्लव भैरहवाले गौतम बुद्ध अन्तर्राष्ट्रिय बिमानस्थलमा आयोजना गरेको साक्षात्कार कार्यक्रममा बोल्दै मन्त्री पण्डितले खटाएको ठाउँमा नजाने कर्मचारीलाई कारबाही गर्ने चेतावनी दिएका हुन् ।
जागीर खाने बेलामा देशको जुनसुकै ठाउँमा पठाए पनि जान्छु भनेर सपथ खाएको कुरालाई स्मरण गराउँदै सरकारी कर्मचारीहरु सरकारले पठाएको ठाउँमा जानै पर्ने, यदि नजाने हो भने जागीर छाडेर व्यक्तिगत जीवन बिताए हुन्छ भनी स्पष्ट पारेका छन् ।
सरकारले अहिले कर्मचारीको तह बृद्धि गरेर समायोजन गर्न नसक्ने साथै कर्मचारीले अहिले स्वेच्छिक अवकास लिएर जान पनि नपाउने कुरा कार्यक्रममा प्रष्ट पारेका छन् ।
Leave a Reply